Ministrja e Kulturës Mirela Kumbaro vijon të nxisë të gjithë shqiptarët të jenë më afër librit, përmes nismës “Lëvizja Kombëtare Për Lexim”. Ditën e sotme, Kumbaro ka ripostuar një shprehje të një shkrimtari francez, por duket se e ka marrë leksionin nga hera e kaluar. Këtë herë, Ministrja e Kulturës e ka publikuar citimin në gjuhën franceze të gazetarit Bernard Pivot, së bashku me përkthimin në gjuhën shqipe.
“Dhuroni libra. Librat hapen si kuti çokollatash, e mbyllen si kuti xhevahiresh (aman, se nuk e kam thene une mo!), thote Bernard Pivot, President i Çmimit Goncourt.” – shkruan krahas postimit Mirela Kumbaro.
Pak javë më parë, Mirela Kumbaro u kryqëzua nga të rinjtë dhe mediat, për shkak se ripostoi një shprehje të aktorit amerikan John Waters.
“Ne duhet të kemi sërish libra të mirë. Nëse shkon në shtëpinë e dikujt që s’ka libra, mos shko në shtrat me të. Mos e lejo atë të të eksplorojë ty para se të eksplorojë universet sekrete të librit.” – ka shkruar Kumbaro.
Ndjekësit e saj në rrjetet sociale mendonin se ishte e tepërt, mënyra sesi u shpreh zyrtarja e lartë!
