Miss Albania Trejsi Sejdini ka krijuar një grup të madh fansash tajlandezë, pasi përfaqësoi Shqipërinë në “Miss Universe”.
18-vjeçaren nga Elbasani e kanë përcjellë me flamuj shqiptarë dhe me postera dashamirës në aeroportin e tyre.
Ata e kanë quajtur madje “Nong Trej”, ose “Motra e Vogël Trej”. Rrjetet shoqërore në Tajlandë janë mbushur me faqe të hapura në mbështetje të vajzës që tajlandezët mendojnë se duhej të kishte fituar.
“Ajo duket si një person me karakter të fortë dhe të ëmbël njëkohësisht”, tha një nga mbështetësit më të zjarrtë të Miss Universe, Patty Suvanmanee. “Ajo thyen rregullat. Nuk ka frikë të bëjë poza seksi, dhe as nuk shtiret si ‘vajza e mirë’ që kërkojnë shfaqjet e bukurisë. Njerëzit kanë interes sepse ajo është vetvetja”.
“Ajo i trajton fansat shumë mirë, i përshëndet dhe takohet me ata. Madje u flet edhe fjalë që i ka mësuar në tajlandisht. Të gjithë e duan shumë dhe ndihen të lidhur me të”, thotë fansja e saj.
Epo të paktën Trejsi rrëmbeu zemrat e fansave në Tajlandë!
