Një 58-vjeçar ka gjetur vdekjen në minierën e kromit të fshatit Pojskë të Pogradecit, pasi dyshohet se është shembur galeria.
Policia lokale bën me dije paraprakisht se viktima është shtetasi me iniciale V.D, 58 vjeç, banues në fshatin Rëmenj.
Paraprakisht dyshohet se ngjarja ka ndodhur si pasojë e rrëshqitjes së formacionit shkëmbor në një prej galerive.
Hetimet vijojnë për zbardhjen e plotë të rrethanave të ngjarjes.
