Sot studentët kanë hyrë në ditën e dhjetë të protestës dhe ende nuk ka një dialog.
Ata e gdhinë mbrëmë në bulevardin përballë kryeministrisë dhe u rezistuan temperaturave të ulta duke u treguar të vendosur se nuk dorëzohen, derisa të arrijnë plotësimin e 8 pikave drejtuar qeverisë.
Ndërkohë sot edhe pse moti është me shi, siç kishin paralajmëruar, studentët u mblodhën sërish në fakultetet e tyre për të marshuar më pas drejt godinës së Kryeministrisë në bulevardin Dëshmorët e Kombit.
Me thirrjet: “Ejani mblidhuni këtu! Nuk na ndal bora, nuk na ndal shiu, jemi racë e fortë jemi frymë veriu!” studentët shprehen të vendosur për të vijuar rezistencën e tyre për plotësimin e 8 kërkesave.
“Nuk ka rëndësi vendi se ku do protestojmë, rëndësi ka që ne nuk heqim dorë nga plotësimi i 8 kërkesave. Sikur të japësh 3 milionë asnjë nuk vjen aty. Plotëso kërkesat” tha një student me megafon duke iu përgjigjur thirrjes që Rama bëri përmes rrjeteve sociale për dialog.
/Iconstyle.al
