Gjatë konkurrimit në “Kënga Magjike”, ku u vlerësua edhe me çmimin “Best Artist to Invest”, këngëtarja Krusita u përfol se është në një lidhje dashurie me kompozitorin e këngës Kledi Bahiti. Ata shiheshin shumë pranë njëri-tjetrit në provat e “Kënga Magjike”, çka solli dyshimet se zërat janë të vërtetë. Por në atë kohë, këngëtarja Krusita e hodhi poshtë lajmin duke u shprehur se mes tyre nuk ka asgjë më shumë sesa marrëdhënie korrekte mes një kompozitori dhe këngëtarje.
Mirëpo, në emisionin “Pop Culture”, intervista e plotë e së cilës do të publikohet të shtunën, e pyetur nga moderatori Kelvi Kadilli nëse është në një lidhje, Krusita refuzoi të japë një përgjigje. Këngëtarja e kaloi duke buzëqeshur pyetjen, duke mos dhënë një përgjigje konkrete.
Sakaq, në lidhje me karrierën në muzikë, ajo u shpreh se nuk do të jetë kopje e askujt, pasi ka dëshirë të krijojë emrin e saj. Bëni sytë katër, Krusita hodhi idenë se mund të vijë në një bashkëpunim me Flori Mumajesin!
