Ajo gjithmonë është paraqitur e freskët pavarësisht aktiviteteve. Jennifer Lopez mahnit kudo që merr pjesë, ndërsa na bën të gjithë ziliqarë duke dashur të marrim pak nga këngëtarja.
“Muzikantët janë shumë egoistë. Tepër të përqendruar tek vetja për të qenë të mirë në shtrat”, tha Jennifer Lopez, në intervistën e fundit për revistën W. E ndërsa flet për karrierën dhe gjithçka tjetër, si fakti që të pasmet e saj u hapën rrugën atyre të Kardashian, Jennifer Lopez ka folur si rrallëherë për atë çfarë ka kaluar pas divorcit me bashkëshortin e saj prej 7 vitesh, Marc Anthony:
“Kur vjen fjala tek puna, nuk lodhem kurrë. Por nëse flasim për dështime personale…është tepër e vështirë. Kur martesa ime mori fund, nuk ishte aspak e thjeshtë të gjeja faljen. Nuk ishte ajo që kisha ëndërruar të kisha dhe do të ishte shumë e thjeshtë po të ushqeja inat, zhgënjim dhe mllef. Por Marc është babai i fëmijëve të mi; kjo nuk zhbëhet. Kështu që, më duhet të punoj fort që t’i vë gjërat në vijë. Deri më tani, kjo është gjëja më e vështirë që më është dashur të bëj”, thotë J.Lo.
Jennifer dhe Marc u divorcuan në 2011-n, pas një martese 7-vjeçare që filloi në 2004-n. Ata kanë së bashku 2 fëmijë binjakë, 8-vjeçarë. Duke qenë një ndër çiftet më të njohur për publikun, si edhe 2 prej artistëve më të njohur latinë në botë, zhgënjimi i opinionit publik qe i madh pas divorcit. Megjithatë, ajo thotë se: “Përherë e kam ditur, që në fillim të martesës, se nuk isha duke bërë gjënë e duhur”, tha J. Lo. Ajo tani ka lënë pas muzikantët, pasi balerinët sipas saj janë shumë më të mirë si partnerë: “U lidha me Casper (Smart), u ndamë dhe pastaj u kthyem prapë. Unë ende vijoj të mendoj për martesën. Ende kërkoj dikë me të cilin të plakem”.
Burimi: W Magazine
