Studentët kanë mbërritur tashmë pranë Kryeministrisë dhe janë ulur këmbëkryq në pritje të zgjidhjes së kërkesave të tyre.
Ndërkohë që ata kanë ndaluar në prag të derës së zyrës së tij, një tjetër reagim vjen nga kryeministri Edi Rama.
Përmes një postimi në Instagram, Rama ironizon PD dhe LSI si dhe kryeopozitarin Lulzim Basha, duke e cilësuar ‘artist’.
“Ah, tani që çunat e PD-LSI s’duruan dot më tek Ministria e Arsimit dhe u ndanë nga studentët e nga pedagogët e pa maskuar e pa parti, doli Artisti t’i përshëndesë”, shkruan Rama.
Pak çaste më vonë kreu i qeverisë ka reaguar sërish, ndërsa theksoi se ai është me studentët dhe ju premtoi zgjidhjen e shumë më tepër sesa 8 pikat e parashtruara:
“Ju mbytën me presionin kundër Dialogut se do ju përçaja unë,po tani kush ju përçau?! Mos e vrisni mendjen,unë jam me studentët jo me maskat e lsiPD dhe s’ju le në baltë?Jo ato pikat, po shumë më tepër se aq do bëjmë së bashku. Me të nisur Dialogun, s’ndalemi më #përUniversitetin”, pohon Rama.
