Mëngjesin e së martës, studentët paralajmëruan kryeministrin e vendit Edi Rama se nuk do të ketë negociata, si dhe ka afat deri në orën 16.00 për të miratuar kërkesat e tyre.
Në orën 16.00, ka ardhur edhe reagimi i kryeministrit Edi Rama përmes një fotoje të postuar në profilin e tij në “Instagram”. Rama duket se nuk është tërhequr nga idea e tij për bisedime, teksa shfaq imazhin e një proteste me parrullën: “GJITHÇKA NA DUHET ËSHTË TË FLASIM”
View this post on Instagram
“Parrulla e njërës prej protestave më madhështore të vitit 2018 në Europë” – sqaron krahas fotos kryeministri.
Sakaq, studentët duket se ishin të ndarë në grupe nëse duhet të vijojnin protestën përpara godinës së Ministrisë së Arsimit, apo të shkojnë drejt Kryeministrisë. Por krejt spontanisht, hodhën poshtë të dyja kërkesat dhe u nisën drejt Zogut të Zi për të bllokuar të gjithë rrugën.
