Një tjetër denoncim për plagjiaturë është bërë për një prej politikaneve më të njohura në vend. Bëhet fjalë për ish-ministren e Mbrojtjes dhe deputeten e PS-së Mimi Kodheli.
Denoncimi është bërë nga një student në Sapienza, Vladimir Kola, sipas të cilit Kodheli ka kopjuar disa autorë të huaj, duke i cituar si punimin e saj në doktoraturë.
Denoncimin e këtij studenti e ka publikuar edhe Taulant Muka, i cili ka qenë i pari që ka denoncuar edhe plagjiaturat për disa zyrtarë të lartë të qeverisë.
Postimi i plotë:
Mirëmëngjesi me Mimi Kodheli- Doktoraturë Plagjiaturë! Merrni GOMEN z. Kryeministër dhe fshini plagjiaturat!
Vladimir Kola, Universiteti Sapienza zbulon plagjiaturën!
Plagjiatura e Tezës së Doktoratës së zonjës Mimi Kodheli, me udhëheqës shkencor Prof. Dr. Dhori Kule (në atë kohe Rektor), pranë fakultetit te Ekonomisë, “Universiteti i Tiranës”, me titull “Regjimi i shënjestrimit të inflacionit: një propozim për Shqipërinë”, e vitit 2015.
Pas shumë orë kërkimi në internet, kam zbuluar se zonja Mimi Kodheli ka kopjuar disa paragrafë te Tezës së saj te Doktoratës, pa cituar autorin origjinal, domethënë i ka paraqitur paragrafët ne fjalë, sikur t’i kishte shkruar vetë ajo.
Me ketë rast përfitoj të falënderoj zotin Taulant Muka, i cili ishte i pari që e vuri në dukje problemin e plagjiaturës në Shqipëri dhe na nxiti edhe ne të tjerëve që të kërkojmë në internet për ketë çështje.
Me sa kam arritur të zbuloj unë, zonja Mimi Kodheli kopjimin më të madh e ka bërë prej artikullit “From monetary targeting to inflation targeting: lessons from the industrialized countries”, me autor Frederic S. Mishkin, i vitit 2000, prej të cilit ka kopjuar dy faqe e gjysmë te Tezës së saj (faqet 21, 22, 23 dhe 24), të cilat korrispondojnë me faqet 11,12 dhe 13 të artikullit në anglisht, të cilin e gjeni në internet në këtë adresë: https://pdfs.semanticscholar.org/…/3e358ebc297698dfbb8737fa…
