Eni Vasili është një nga gazetaret politike më të njohura në vendin tonë, e cila prej vitesh është pjesë e ekranit shqiptar.
Por pavarësisht viteve në ekran, jetën e saj private ajo ka preferuar ta mbajë jashtë mediave. Ditën e djeshme Vasili është parë për herë të parë në eventin e radhës në Tiranë krah një zotërie, që sipas “Panorama Plus” është partneri i saj.
Ai quhet Armand dhe është inxhinier informatike, i cili pas viteve ’90 e ndërtoi karrierën në Londër.
Thuhet se Eni dhe Armandi janë prej disa vitesh bashkë dhe janë njohur në një darkë miqsh. Pas kësaj ai i kërkoi gazetares të shkonte në Londër, por ajo nuk pranoi ta linte karrierën e saj televizive. Ndaj ishte inxhinieri ai që sakrifikoi karrierën e tij duke ardhur në Tiranë dhe duke u bërë mbështetja më e madhe e Enit.
