Ronela Hajati i mahniti të gjithë me performancën e saj LIVE në Pallatin e Koncerteve, në natën e parë gjysmënfinale të “Kënga Magjike”. E teksa jemi në prag të natës finale, këngëtarja ka zgjedhur të falenderojë të gjithë ata që e kanë përkrahur në gjithë karrierën e saj muzikore përmes një postimi në “Instagram”. Ronela rikthehet pas në kohë, në momentin kur u përball për herë të parë me skënën dhe kameran 20 vite më parë.
“Këtë dhjetor janë bërë 20 vjet që unë këndoj! Paraqitja ime e parë ka qenë në një festival fëmijësh e që atëherë, që sapo isha futur në shkollë, mbaj mend që mezi prisja të ndizeshin dritat e e kamerat… Jam rritur në skenë dhe synimi im i vetëm ka qenë të bëj publikun për vete! Kurrë nuk kam konkurruar diku me qëllimin të fitoj, çuditërisht…” – shkruan këngëtarja.
Gjatë rrëfimit në “Instagram”, Ronela Hajati zbuloi se në momentet më të vështira kishte dashur të hiqte dorë, por dashuria e publikut e kishte mbajtur të lidhur pas muzikës!
“E sot pas pesë vitesh, jam rikthyer në një skenë ku këngët e mia u bënë një bazë për karrierën time. Unë ju kam fituar ju! Siç e kam ndjerë çdo herë! Kjo është e pakrahasueshme me çdo lloj kupe! Ju dua me zemër që keni qënë e vetmja gjë që ku jam kapur dhe në momentet më të vështira e atëherë kur kam dashur të heq dorë.. Faleminderit përgjithmonë.. Ronela” – përfundon këngëtarja.
Mezi presim të shohim sesi është vlerësuar këngëtarja Ronela Hajati nga kolegët e saj në natën finale të “Kënga Magjike”.
