Kryeministri Edi Rama ka reaguar për herë të parë me një mesazh të drejtpërdrejtë ndaj studentëve që po protestojnë prej 4 ditësh tashmë.
Përmes një videoje të publikuar në Facebook, që mban titullin “përgjigjja ime”, kreu i qeverisë shpreh dëshirën për të qenë edhe një herë student dhe protestues.
Megjithatë ai thotë se tashmë i duhet t’u përgjigjet si kryeministër, dhe ju kërkon të rinjve që të kenë të njëjtin vullnet që kanë për të protestuar, edhe kur është fjala për të kaluar.
Kryeministri u shpreh gjithashtu se është i gatshëm t’i presë në zyrë studentët protestues.
“Ky vend e ka fituar prej 5 vitesh lirinë e plotë të protestës. Protesta në vetvete e ka pasur të garantuar si kurrë më parë pacenueshmërinë. Unë ndihëm shumë mirë për këtë, sot doja të isha edhe njëherë student dhe protestues, jo kryeministër”.
Por detyra ime është ti dëgjoj dhe ti mbështes në çdo rast që duan të bisedojnë. Urdhëroni kjo zyrë është e imja, por pushteti i kësaj zyre është i kujtdo që kërkon ta përdorë për idenë e duhur në shërbim të vendit dhe shoqërisë”, tha Rama.
Sot është dita e katërt e prostestës së studentëve të universiteteve publike në Tiranë, të cilët janë shprehur se nuk do të ndalen deri në përmbushjen e 4 kërkesave të tyre, përfshi këtu edhe përmirësimin e kushteve të konvikteve.
Katër kërkesat e studentëve drejtuar Ministrisë së Arsimit janë:
1.Anulimi i VKM për tarifa shtesë.
2.Përgjysmimi i tarifës së studimit.
3.Përmirësimi i kushteve të konvikteve.
4.Bordi i Administrimit të ketë̈ numër të barabartë votash mes fakulteteve dhe Ministrisë se Arsimit, duke shtuar një̈ përfaqësues nga studentët në bord.
