Erik Lloshi do të ngjitet në skenën e festivalit “Kënga Magjike” mbrëmjen e sotme për të performuar në gjysmëfinale këngën “Mos Urre”. Mirëpo, data 6 dhjetor paska një tjetër rëndësi të veçantë për këngëtarin. Në profilin e tij në “Instagram”, Lloshi zbuloi se feston edhe ditëlindjen e së ëmës, ndaj një arsye më shumë për të shkëlqyer sonte.
“Ku ka më bukur se ditën kur nëna ime ka ditëlindjen unë të këndojë tek ‘Kënga Magjike’. Edhe 100 vjeç mam, të dua shumë. Një motiv më i fortë që unë të dal super sonte”, – ka shkruar këngëtari në foton përkrah të ëmës.
Mezi presim të dëgjojmë performancën e tij nga Pallati i Koncerteve dhe ndoshta do të kemi një tjetër dedikim për të ëmën.
