Pas tre ditëve protesta, zëri i studentevë u dëgjua sot dhe Ministria e Arsimit mori vendimin të shfuqizonte ligjin e ri për tarifat e provimeve të mbartura.
Pas këtij vendimi turma e studentëve është tërhequr ditën e sotme, për të vazhduar sërish nesër në orën 10:00. Ata do të protestojnë sërish pasi deri më tani është shfuqizuar vetëm një nga vendimet e VKM-së për universitetet.
Edhe pse studentët e kanë mbyllur protestën e sotme nuk kanë harruar të pastrojnë rrugët nga sendet e hedhura gjatë protestës.
“Ne jemi shembullorë, ata mund të thonë se jemi katranjozë. Nuk ka mundësi 5 mijë studentë të jenë katranjozë. Protestën e bëjmë paqësisht” – u shpreh një protestuese për “News 24”.
