Afërdita Dreshaj është një nga modelet më të njohura dhe më të komentuara në rrjete sociale. Ajo gjithashtu është mjaft aktive dhe poston çdo ditë copëza të këndshme nga përditshmëria e saj.
Modelja gjithashtu na ka prezantuar dhe me familjen e saj, motrën, vëllain dhe mamanë, por duket se ajo paska dhe një motër tjetër.
Natën e kaluar Afërdita ka postuar foto dhe video në një ambient festiv familjar krahas një bukuroshje që sipas “Lajmi.net” është motra tjetër e modeles shqiptare.
Ajo quhet Valbona Dreshaj Lulgjuraj dhe mund të themi se ngjan shumë me Afërditën në pamje, bjonde dhe me fytyrë të imët.
Pavarësisht se Afërdita nuk ka folur kurrë për të, Valbona shihet se ka qënë shoqëruese e saj në ditën e dasmës dhe e pranishme në disa gëzime familjare pranë modeles dhe Jehonës.
Megjithatë nuk përjashtohet fakti që ajo mund të jetë një kushërirë e afërt e modeles dhe e konsiderojnë njëra –tjetrën motra.
