Priyanka Chopra dhe Nick Jonas vazhduan festimet e dasmës mbrëmjen e së dielës në një ceremoni tradicionale Hindu.
Ceremonia u mbajt në pallatin e Umaid Bhawan në Jodhpur, në shtetin Rajasthan të Indisë veriperëndimore.
Kjo ishte dita e katërt e festimeve për aktoren indiane dhe këngëtarin amerikan, të cilët u fejuan në gusht.
Në ceremoninë Hindu, dhëndri mbërriti te nusja me kalë të zbukuruar me ngjyra dhe të dy u shkëmbyen fillimisht kurorat e luleve.
Sipas traditës, nusja u vesh me të kuqe ndërsa dhëndri me një veshje tipike dhe një turban në kokë, dhe më pas të dy hipën në një elefant për të shëtitur rreth ambienteve të pallatit, para se të mbërrinin në zonën kryesore ku mbahej dasma.
Nusja dhe dhëndri pastaj bënë zotimet e tyre rreth një zjarri të shenjtë ndërsa një prift kreu ceremoninë, e cila përfundoi me dhëndrin që vendosi vermilonin (pigment i kuq) në ballin e nuses.
Nuk munguan fishekzjarrët që u shijuan nga të gjithë të pranishmit, ndërsa festa u shndërrua në një koncert ku nuk mongoi as interpretimi i të sapomartuarve.
Të shtunën Jonas postoi një foto duke shijuar ritualin tradicional të Mehendit, ku nusja aplikon këna në duart e saj si shenjë e martesës.
