Ju paralajmëruam mbrëmjen e së premtes, se për klipin “Thank U, Next”, të këngëtares Ariana Grande do të flitet gjatë (lexo këtu).
Këtë herë, ka qënë ish-modelja e “Icon Agency” Oriola Marashi, e cila ka publikuar një pjesë të videos në profilin e saj në “Instagram” dhe sqaron sesa shumë lidhet me familjen e saj.
Ok, ta shpjegojmë!
Kris Jenner nderoi me pjesëmarrjen e saj në klip, teksa luante rolin e mamit të Ariana Grandes, gjatë riskenimit të “Mean Girls”. Me kameran në dorë, ajo xhironte të bijën në çdo moment gjatë performancës së saj, duke e mbështetur.
Duket se mamaja e Oriolës, Xhoi Jakaj bën të njëtin veprim gjatë performancave të së bijës si këngëtare operistike.
“Kjo është fiks si mami im” – shkruan krahas videos Oriola.
Edhe më herët, vetë Xhoi Jakaj është shprehur se e bija nuk e lë të postojë video nga paraqitjet e saj në skenë, ndaj përfiton nga momentet kur Oriola është në gjumë, për t’i ndarë me miqtë virtuale, edhe përse për pak orë.
