Përse të mos e presim ndërrimin e viteve me një ndryshim në pamje?! Dhe të gjitha të famshmet sugjerojnëëëë …… flokët ROZË! Nuk është asnjëherë mëkat të bësh njëherë në jetë ç’të të dojë zemra me flokët dhe me një ngjyrë rozë në flokë, jo vetëm që do të dukeni super ‘cool’, por nga ana tjetër do të tërhiqni të gjithë vëmendjen e kureshtarëve në rrugë!
Mund të jetë edhe një ogur i mirë për 2019-ën, ku i dihet.
Vesa Luma
Me 27 nëntor 2018, Vesa Luma prezantoi ngjyrën e re të flokëve. Pasi fërkuam sytë mirë e mirë, po ishte e vërtetë, këngëtarja kishte zgjedhur t’i lyente flokët në ngjyrë rozë. Madje, edhe vetë Vesa nuk e besonte dot se kjo ishte pamja e saj!
Tayna
Fenomeni më i ri i të gjithë shqiptarëve, Tayna duket një “ëmbëlsirë” me flokët e rinj. Me flokët kaçurrela, këngëtarja e hitit “Doruntina” pozonte me një ngjyrë shumë të lehtë të rozës.
Sara Kolami
Moderatorja shqiptare Sara Kolami, momentalisht i ka flokët në ngjyrë lejla dhe duket një yll. Në fotot e publikuara në rrjetet sociale, moderatorja prezanton modelin e ri dhe i sugjeron ndjekësve të provojnë edhe ata të tillë ndryshim.
Julia Roberts
! Më herët gjatë muajit nëntor, edhe aktorja ikonë e “Hollywood-it” u tundua nga fenomeni ngjyrë rozë. Flokët e saj bjondë tek rrënja, vinin duke marrë nuancën e ngjyrës rozë duke krijuar efektin e ombré-s.
Kylie Jenner
Ky shkrim nuk do të kishte aspak kuptim, pa mbretëreshën e shndërrimeve Kylie Jenner. Pak javë më parë, nëna e Stormi-t vendosi që të lyente flokët e saj në ngjyrë rozë dhe rezultati është thjesht i mrekullueshëm!
Nuk e dimë nëse ju u bindët ende, por ne sapo të zbardhë dita do të trokasim tek parukjeria.
Burimi: Iconstyle.al
Ndalohet riprodhimi dhe kopjimi pa lejen e redaksisë.
