Pas pushimit të merituar në Dubai, Oriola Marashi është rikthyer në gjirin e familjes. Gocat e familjes Marashi kanë lënë pas çdo angazhim të ditës së sotme, për të festuar së bashku ditëlindjen e më të voglës së familjes, Xhulias.
Është ish-modelja e “Icon Agency” Oriola Marashi, e cila ka publikuar një foto në profilin e saj në “Instagram” ku shfaqet së bashku me të ëmën Xhoi Jakaj si dhe të motrën Xhulia Marashi. Vajzat kanë vendosur në mes nënën e tyre, ndërsa Oriola e zbukuron imazhin me një zemër të madhe si kornizë të fotos.
Është pak të thuash se familja Marashi e ka bukurinë në gen, sepse të treja ato shndërrisin dhe ngjajnë shumë me njëra-tjetrën!
