Portieri i Partizanit, Alban Hoxha, u la i lirë sot, pasi kaloi mbi dy ditë i mbyllur në komisariat.
Gjykata e Tiranës liroi Hoxhën, i cili u arrestua mbrëmjen e së shtunës nga policia, pasi drejtonte makinën në gjendje të dehur.
Trupi gjykues vendosi masën e sigurisë “detyrim paraqitje” për portierin, sipas së cilës dy herë në muaj ai duhet të paraqitet në Prokurori.
Portieri i Partizanit dhe ish-portieri i Kombëtares u arrestua në rrugën “George W. Bush”, pasi i jepte makinës i dehur.
Në testin e alkoolit Alban Hoxha rezultoi në masën 0.52 miligramë për litër, ndërsa norma e lejuar është 0.30 miligramë për litër. Ndalimi i Alban Hoxhës vjen në një moment të vështirë për Partizanin, pasi të premten luan në derbin kundër Tiranës.
Nga ana tjetër sot në ambientet e Gjykatës u pa edhe këngëtarja Çiljeta Xhilaga, me të cilën portieri dyshohet se ishte prej kohësh në një lidhje.
Para disa javësh çifti u përfolën për ndarje pasi Albani u pa duke flirtuar në një klub nate me një vajzë të panjohur. Menjëherë pas kësaj këngëtarja fshiu nga Instagrami çdo foto me futbollistin dhe madje nuk ndiqeshin më as në Instagram. Por duket se gjithçka mes tyre u rikthye si më përpara dhe Çiljeta vazhdon të mbështesë të dashurin e saj.
