Adhurimin për të dashurin e Dua Lipës, Isaac Carew e kemi shprehur hapur disa herë pasi “dhëndrri” i Shqipërisë, nuk ka nguruar të mësojë vallet shqiptare, adhuron ushqimin tonë tradicional dhe mbi të gjitha, na e mban gocën si princeshë!
Së fundmi, listës së gjatë të adhurimeve i është bashkuar edhe ky veprim i fundit i Isaac. Çifti ndodhet në Los Angeles dhe Dua duket se nuk e ka me vete skuadrën që e zbukurojnë në çdo moment. Për këtë arsye, në ndihmë i ka ardhur i dashuri i saj, i cili në videon e postuar nga këngëtarja shqiptare, shfaqet me pjaster në dorë, shumë serioz teksa pjastron flokët e Dua-s.
Në video, këngëtarja shqiptare shfaqet duke buzëqeshur, ndërsa shkruan se Isaac po e ndihmon të pjastrojë pjesët që ajo nuk i arrin dot!
E pra, dashuria shikohet nga këto gjestet e vogla!
