Portieri i Partizanit, Alban Hoxha, përfundon në prangat e uniformave blu. Në njoftimin e Policisë së Tiranës, bëhet me dije se ai u arrestua mbrëmjen e djeshme.
Arsyeja e arrestimit mësohet se është drejtimi i makinës në gjendje të dehur.
Pasi u ndalua nga uniformat blu dhe iu bë testi për përqindjen e alkoolit në trup, Alban Hoxha u shoqërua në komisariat.
Drejtimi i automjetit në gjendje të dehur është një nga shqetësimet e ngritura shpesh nga policia, e cila ka paralajmëruar shpesh qytetarët që të mos marrin makinat kur konsumojnë alkool.
