Në jetën e Manjolës, fatkeqësitë kanë ndjekur njëra –tjetrën. Kur ishte ende fëmijë, ajo humbi mamanë e saj dhe pas tre ditësh humbi edhe gjyshen. Vite më vonë, zemra e Manjolës do të bëhej sërish copash teksa i ati ndërroi jetë dhe më pas e motra. Për Manjolën, kujdeseshin gjyshërit nga ana e mamit dhe me xhaxhain kishte humbur të gjithë kontaktet pasi ishte martuar.
Merita është kushërira e saj, e cila ka mbërritur në studion e “Ka një mesazh për ty” për të surprizuar të atin, i cili digjet nga malli për mbesën.
“Kur vdiq xhaxhi, Klodiana ishte 12 vjeç, ndërsa Manjola ishte më e vogël se 10 vjeç. Më pas i morën gjyshërit nga ana e mamasë. Vazhduan vitet, babai shkonte gjithmonë tek mbesat e tija, i ndihmonte me aq sa kishte mundësi. Në vitet 90 ne jemi larguar në Sarandë, babai im merrej me ndërtim, bleu vendin dhe ndërtoi shtëpi. Babi gjatë gjithë kohës kujdesej për vajzat. Kaluan vitet edhe ato u rriten u martuan. Klodiana është martuar në Korçë, me pas u martua dhe Manjola një Pogradec. Klodianës në moshë të re ju shfaq një sëmundje e rëndë dhe ka ndërruar jetën në moshën 29 vjeçare. La 3 fëmijë të vegjël. Babai shkonte shpesh tek Manjola. Unë herën e fundit që e kam takuar Manjolën nuk e njoh, pasi kam 13 vite që nuk e kam parë dhe nëse e shoh në rrugë nuk e njoh. Manjola është amaneti i babait tim.” – tha Merita.
“Nusja e vëllait mori dhe nënën time. Ishtë një ngjarje shumë e rëndë brenda tre ditësh humba kunatën dhe më pas nënën, e cila ishte e sëmurë. Me mbesën kam 13 vite që nuk jam takuar. Më ka marrë malli Ardit” – u shpreh Bajrami.
Mirëpo, Arditi kishte një surprizë për babë e bijë, teksa në studio solli Manjolën, e cila nuk e kurseu një përqafim për ta. E pyetur nga Arditi nëse është e lumtur, Manjola tha, pak.
“Pak. Gjithë këto vite ne prisnim dashurinë e tyre. Njerëzit që më kanë rritur, daja nuk ka thënë kurrë që të mos vinte xhaxhai. Daja dhe nusja e tij më kanë rritur, më kanë martuar. Xhaxhai ka ardhur vetëm njëherë dhe halla. Ata nuk më kanë dhënë aq dashuri. Unë isha e vogël dhe nuk i njihja. Kam qenë në Sarandë vetëm një herë dhe halla vetëm një herë ka ardhur.” – u shpreh Manjola.
Gjithsesi, ata vendosën që gjithçka ta diskutojnë më mirë pas kamerave.
