Ashtu siç prej vitit 2005, është mbajtur ceremonia ndarjes së çmimeve “Kult”, ku janë vlerësuar për krijimtarinë artistike personalitete shqiptare në fushën e artit dhe të kulturës, mbrëmjen e djeshme. Por për gazetaren Kozeta Kurti, ky event ka qënë një dështim e turp i madh.
Sipas saj, moderatori i ceremonisë së ndarjes së çmimeve Salsano Rrapi nuk e kishte marrë aspak seriozisht këtë punë, madje skaletën e ka lexuar në skenë. Nga ana tjetër, ajo ka kritika të forta për artistët, të cilët nuk denjuan të respektonin figura si Aleksandër Lalo e Roland Roshi, duke u ngritur në këmbë. Me tone ironie, Kurti nënvizon se e rëndësishme ishte që ‘elita’ shkëlqeu në tapetin e kuq.
“Mbrëmë isha ne ceremonine e ndarjes së cmimeve “Kult”, ose për të 7-tat a të 40-tat e ndonjë qyqari që nuk jeton më.
Po, po, asnjë ndryshim!
Ca artistesh jeni pash’ Zotin që ju dhimbsen ato shuplaka, t’i përplasni për kolegët tuaj?
Si prisni t’ju përulemi e t’ju duatrokasim pas koncerteve, shfaqjeve, premierave të filmave apo promovimit të librave tuaj, kur ju as për veten s’keni respekt. Mendoni për një moment që pasi keni përfunduar nje iniciative artistike, ne t’ju kthejme shpinën e të dalim jashtë, ashtu dru, pa asnjë shprehje…
Si dreqin ndoqët një kolazh me figura të shquara që janë ndarë nga jeta së fundmi, që prej Aleksander Lalos e deri tek Roland Roshi dhe nuk e shkulet atë prapanicë nga karrigia për t’u çuar në këmbë?
“Kult”-it vete nuk po i hyj… as kritereve seleksionuese, as kritereve përzgjedhëse, as skenarit nën-mesatar, as Salsanos që s’e fshehu dot se po e lexonte në kohë reale, aty në skenë…
Po c’i do? Kishte tapet të kuq, shandane, flakadane, fustane me qera, bizhuteri, flokë me llak, puthje e përqafime; një natë “gaLLa” me pjesëmarrjen e elitës së kryeqytetit…”, – shkruan gazetarja Kozeta Kurti.
