Është koha më e mrekullueshme e vitit: sezoni i uljeve. Pavarësisht se Krishtlindjet janë rreth një muaj larg, koha ideale për të blerë ka mbërritur. Uljet e mëdha dhe blerjet pa “listë” në mendje na emocionojnë kaq shumë.
E kemi fjalën pikërisht për traditën e uljeve në botë që cilësohet “Black Friday” (“E Premtja e Zezë”), e cila tashmë është kthyer në një traditë në disa prej dyqaneve në Tiranë.
Çdo blerës e di që nuk është kurrë shpejt për të planifikuar veshjet e festave apo dhuratat. Sipas CNN, vitin e kaluar u arrit një rekord, pasi 154 milionë klientë u bënë pjesë e uljeve të “Black Friday”.
Dhe avantazhi më i madh është kur uljet zgjasin për tre ditë!
Me kaq shumë dyqane në Tiranë, ju duhet një strategji për të zgjedhur dyqanet e markave të mira, artikujt e të cilave i dëshironi kaq shumë. Të gjithë e dimë që cilësia është mbi sasinë dhe mbi të gjitha kur flitet për akesorët.
Katër nga dyqanet na kanë informuar tashmë me ofertat e tyre të këtij viti dhe ne ju sugjerojmë t’i provoni.
Swarovski
Të gjithë jemi mahnitur nga shkëlqimi i bizhuterive “Swarovski” dhe marka e njohur ndërkombëtare për të disatin vit i ka kthyer në një traditë uljet e “Black Friday”. Më e rëndësisshmja është se mund t’i filloni blerjet e sezonit të festave me ulje deri në 50% në produkte të selektuara. Uljet nisin të premten më 23 nëntor dhe do të zgjatin deri të dielën më 25 nëntor.
Vendndodhja: TEG, QTU dhe Qendra Tregtare Metropol në rrugën “Sami Frashëri”.
Blukids
Dyqani i markës italiane në Shqipëri, dedikuar veshjeve për fëmijë, do t’iu ofrojë këtë fundjavë kënaqësinë e uljeve. Ofertat që ka menduar “Blukids” është ajo që dëshiron çdo prind apo fëmijë. Nga e premtja e 23 nëntorit deri të dielën më 25 nëntor në dyqanin e “Swatch” do të gjeni deri në 70% ulje.
Vendndodhja: Qendra Tregtare Metropol në rrugën “Sami Frashëri”.
Swatch
Marka zvicerane e orëve, “Swatch”, do të ofrojë deri në 20% ulje për aksesorët këtë “Black Friday”.
Ofertat: Përfitoni 10% ulje për produktin e parë të blerë dhe 20% ulje për produktin e dytë. Por nuk mbaron me kaq, pasi disa prej modeleve të orëve do të jenë me 50% ulje.
Uljet do të zgjasin nga e premtja e 23 nëntorit deri më 25 nëntor.
Vendndodhja: TEG dhe Qendra Tregtare Metropol në rrugën “Sami Frashëri”.
Villeroy&Boch
Marka gjermane “Villeroy & Boch” kushtuar shtëpisë mendon për zbukurimet e sezonit festive në shtëpinë tuaj. Nga të gjitha produktet që i keni admiruar mund të kurseni duke i blerë deri në 30%.
Ofertat:
Për blerje mbi 100 euro përfitoni 10% ulje.
Për blerje mbi 250 euro përfitoni 20% ulje.
Për blerje mbi 450 euro përfitoni 30% ulje.
Uljet do të zgjasin nga e premtja e 23 nëntorit deri më 25 nëntor. Vizitoni dyqanin online duke klikuar këtu.
Vendndodhja: Qendra Tregtare Metropol në rrugën “Sami Frashëri”.
