Kostandin Xhuvani, autori i vrasjes se katërfishtë që ndodhi në një lokal në “Rrugën e Elbasanit” në 2014-n, u dënua tre vite më parë me 35 vite burg.
Por sipas një denoncimi të bërë së fundmi, ai pretendohet se është liruar nga burgu dhe për këtë veprim nuk është vënë në dijeni askush.
Djali i ish-deputetes së Partisë Socialiste dhe aktores, Luiza Xhuvani, sipas deklaratës së një qytetari raportohet se pasi u shtrua në spital për një ndërhyrje në apendicit, nuk u kthye më në burg.
Në denoncimin e qytetarit anonim të publikuar nga ish-kryeministri Sali Berisha thuhet se, Kostandin Xhuvanin para 5 ditësh u paraqit në QSUT dhe pas operacionit, që u bë gjatë natës, familjarët e morën Xhuvanin në shtëpi.
Ai mban mbi supe 5 vrasje, përfshirë atë të Alfred Musabellit, më 12 shkurt të vitit 2011. Kostandin Xhuvani u arrestua mëngjesin e 4 nëntorit të 2014-s pranë Fakultetit Ekonomik, pasi kishte qëlluar me pistoletë Edison Jahon dhe Enea Xhajën, dy persona me të cilët kishte patur konflikt të çastit, si dhe mikun e tij Arbër Demirajn dhe shtetasin italian, Gianpaolo Azzola.
Denoncimi i qytetarit:
