Nëse dëshiron të studiosh në Amerikë, atëherë duhet të kesh parasysh diçka: nuk mund të punosh.
Ambasada amerikane në Tiranë bëri një njoftim të rëndësishëm për të gjithë studentët që synojnë këtë vend.
Përmes një postimi në “Facebook” ambasada bën me dije se kush dëshiron që të studiojë në SHBA, duhet që paratë t’i keni të siguruara ose të keni fituar ndonjë bursë.
“Të studiosh në SHBA është një mundësi e shkëlqyer, por ju nuk mund të punoni në Shtetet e Bashkuara për të financuar arsimimin tuaj. EducationUSA Albania është vendi i duhur ku mund të hartoni një plan për të paguar shkollimin tuaj në Shtetet e Bashkuara”, shkruhet në njoftimin e Ambasadës.
