Gashi nuk e ka fshehur asnjëherë faktin se është krenar për origjinën e tij shqiptare. Madje, reperi i hitit “Creep On Me” e ka gdhendur shqiponjën në dorë dhe pozon në çdo foto me një varëse të njëjtë në qafë.
Mbrëmjen e sotme, reperi shqiptar ka publikuar një video të shkëputur nga një koncert i tij dhe e ka kthyer në një festë tipike shqiptare. Gashi duket shumë i lumtur teksa kërcen muzikë popullore me fansat e tij.
“Përse i kthej të gjitha koncertet e mia në dasmë shqiptare.” – shkruan reperi krahas videos.
Në videon e rregjistruar nga fansat, shkruhet se Gashi i kërkonte vajzës të mos ndalonte së kërcyeri.
“Vajza: ‘Por nuk jam shqiptare’; Gashi: ‘Do të mësosh sot” – sqaronte në komente Gashi.
Sakaq, në videon e dytë, Gashi tregon aftësitë e tij në kërcimin e këngëve popullore shqiptare.
