Channing Tatum duket se po përpiqet që të bëjë hapa seriozë në marrëdhënien që ka me këngëtaren Jessie J, pas ndarjes nga bashkëshortja.
Në disa foto të publikuara nga “Metro.co.uk”, aktori amerikan, u pa teksa ndiqte me entuziazëm performancën e të dashurës së tij i ulur vetëm pak vende larg nga mamaja e këngëtares.
Burimet për median thonë se gjatë gjithë kohës, 38-vjeçari kërcente me kënaqësi me meloditë e saj të fantastike dhe në një moment ia bëri me shenjë nënës së Jessie-s duke i ngritur dorën.
I emocionuar nga kjo performancë, Channing nuk mundi t’i rezistonte Twitter-it, ku shkroi disa fjalë të ndjera për partneren e tij:
“Kjo grua derdhi zemrën e saj në skenë në sallën Royal Albert Hall. Kushdo që ishte atje, u bë dëshmitar i diçkaje të veçantë. Uau”.
Pak ditë më parë edhe këngëtarja konfirmoi lidhjen me Tatum duke postuar momente nga shfaqja e tij ‘Magic Mike Live” ku e ka përgëzuar atë me disa emoji pikante që ranë menjëherë në sy.
“Nata e hapjes së ‘Magic Mike London’. Urime Channing Tatum, çfarë shfaqje… Zonja dhe zotërinj ju nuk mund ta humbisni këtë”, shkruante ajo.
