Zjarri që shkrumboi shtëpi dhe shkaktoi shumë viktima në Kaliforni, nuk ka kursyer as shtëpinë e ish-misit shqiptar Valbona Çoba.
Në një postim në rrjetet sociale mamaja e Valbonës, Reshida shkruan se valës së zjarreve në shtetin amerikan, nuk i ka shpëtuar as shtëpia e vajzës së saj.
Ajo tregon se Valbona u trondit shumë nga kjo fatkeqësi duke qenë se kishte vite që jetonte në atë banesë dhe kishte kujtimet më të bukura aty.
Deri dy ditë më parë, fëmijët e saj luanin si zjarrfikës, ndërsa dje iu desh që të zgjoheshin të tmerruar në mesin e natës për të shpëtuar jetën e tyre.
Megjithatë, fatmirësisht të gjithë janë shëndoshë e mirë dhe kjo është ajo që ka më tepër rëndësi.
Për të gjithë ju që nuk e mbani mend, Valbona është shpallur Mis Fotozhenia, duke zënë gjithashtu dhe vendin e tretë në Mis Albania në vitin 1992.
