Kasto Zizo e kishte shumë seriozisht statusin e tij në “Facebook”, ku tregonte se do të kandidonte për kryetar bashkie. I ftuar mbrëmjen e sotme në emisionin “Zonë e Lirë”, këngëtari shqiptar konfirmoi se do të kandidojë për kreun e Bashkisë Përmet dhe se do ta diskutojë këtë me kryetaren e LSI Monika Kryemadhi dhe kryesinë e LSI.
“Kur thua që do kandidosh për kryetar, për kë bashki e ke fjalën? – e pyeti Çani këngëtarin.
“Nuk po flas për në bashkinë e Tiranës, por e kam fjalën që mund të kandidoj për Përmetin. Sepse unë jam nga Frashëri i Përmetit. Të gjithë e dinë që unë jam me prirje të majta dhe mund ta shikoj që të kandidoj si kryetar bashkie atje për LSI. Por nuk mund të flas ende pa folur me zonjën Kryemadhi apo me kryesinë e kësaj partie” – u shpreh këngëtari.
Nga ana tjetër, Kastro Zizo u shpreh se sot mund të kishte qenë kryeministër i Shqipërisë, nëse disa gjëra do të kishin qenë ndryshe në jetën e tij.
“Kur u bë Edi Rama, përse mos të bëhem edhe unë. Nëse disa gjëra do të ishim ndryshe në jetën time, edhe tani mund të isha bërë kryeministër.” – tha Kastro Zizo.
