Ashtu siç e kishte paralajmëruar, Miriam Cani ka publikuar këngën e saj më të re me titull “Në parajsë”. Kënga shoqërohet me një klip shumë të veçantë buzë një liqeni, ndërsa Miriami shkëlqen e veshur me një fustan të bardhë.
“Dhe në parajsë do të vi me një frymë të të kërkoj” – këndon mes rreshtave Miriam Cani.
Përmes një postimi në “Instagram”, ajo nuk ka lënë pa falenderuar të gjithë bashkëpunëtorët që punuan për këtë produksion muzikor.
“Faleminderit @kledibahiti për kompozimin e kësaj kënge që më bëri për vete që në momentin e parë kur e dëgjova. Je super artist dhe mbi të gjitha super njeri dhe mik” – shkruan Miriami.
Pasi falenderoi kuratorët e imazhit si dhe pjesën tjetër të stafit realizues, Miriam kishte zgjedhur t’i dedikonte disa fjalë të ëmbla edhe partnerit të saj, Alban Skënderaj, i cili kishte shkruar edhe tekstin e këngës.
“I fundit por jo më pak i rëndësishmi, faleminderit Alban Skënderaj për këto vargje kaq romantike. Ti je frymëzimi im i përjetshëm dhe forca ime më e madhe” – shkruan krahas postimit Miriam Cani.
