Çfarë po ndodh mes Halsey-t dhe John Mayer?
24-vjeçarja dhe 41-vjeçari nuk i kanë kursyer flirtimet hapur në “Instagram”, që në momentin që këngëtarja e hitit “Without U” njoftoi se i ka dhënë fund lidhjes me reperin G Eazy.
Halsey publikoi në “Instagram” një foto, ku zbulonte se ishte duke folur në telefon me Mayer dhe shkruante “Karaoke në orën 7 të mëngjesit me John Mayer”. Ndërkohë që ky i fundit, i cili njihet për lidhjet e tij me femrat e famshme të “Hollywood-it”, është bërë shumë aktiv me komente në profilin e Hasley-t.
“A mund të më dërgosh një mesazh? Faleminderit” – i shkruante ai.
“John Mayer të kam shkruar një këngë me një tekst të nxehtë në refren. Do të dërgoj versionin mp3 tani” – iu përgjigj Hasley.
Ndërkohë, që burime për “People” janë shprehur se Mayer dhe Hasley janë parë bashkë në rrugët e Los Angeles shumë pranë njëri-tjetrit.
Duket se Hasley e ka harruar G Eazy-n dhe ka ecur përpara me jetën e saj.
