Alketa Vejsiu nuk gabon asnjëherë me veshjen në spektaklin “Dance With Me”, duke u shfaqur gjithmonë e kuruar dhe plot klas. Mirëpo ndryshe nga herët e tjera, moderatorja e spektaklit kishte guxuar edhe më shumë duke e shfaqur me një fustan në ngjyrë jeshile të markës Elisabetta Franchi, që kishte një pjesë transparente.
Duket se veshja është ndërtuar nga një jumpsuit me pantallona të shkurtra, ndërkohë që në pjesën e sipërme kombinohet me tylin e tejdukshëm plot gurë si dhe një rrip në mes.
Me flokët e mbledhura në formën e topuzit, Alketa kishte zgjedhur një make up shumë të rënduar, ndërsa veshjen e kishte kombinuar me një palë taka në ngjyrë të argjendtë.
Duket se Alketa kishte goditur në shenjë edhe këtë herë, teksa mori mijëra komplimenta për pamjen në profilin e saj në “Instagram”.
