Ngjarja e rëndë që ndodhi në zonën e ish Bllokut muajin e kaluar, ku mbeti i pajetë Fabian Gaxha dhe u plagosën rëndë Ervis Martinaj dhe Eljon Hato, ndodhi pas një ngacmimi që u bë ndaj këngëtares Elvana Gjata.
Nga raportimet e “Panorama.al” është mësuar se në dosjen e Prokurorisë, në vendngjarje janë gjetur 13 gëzhoja armësh,nga të cilat 10 kanë dalë nga një armë që nuk është gjetur dhe dyshohet që i përkiste Mevjol Billos. Një gëzhojë 9mm është qitur nga një pistoletë me numër serie të fshirë që është gjetur në vendngjarje, kurse dy gëzhoja të tjera janë qitur nga një armë tjetër që po ashtu nuk është gjetur në vendngjarje.
Sipas aktekspertimit të Prokurorisë, në trupin e Fabian Gaxhës janë konstatuar katër plagë tejshpuese, një vend pranë gjoksit në të djathtë, tjetra në ligamentin e majtë, në brinjën 12, tjetra në pjesën e brendshme të parakrahut të majtë, në distancë 1 cm nga artikulacioni i poshtëm si dhe një plagë 1×1 cm në pjesën e kokës.
Nga këqyrja e kufomës u nxorrën dhe një këmishë e dy predha.
Nga Policia Gjyqësore janë sekuestruar gjithashtu edhe aparatet telefonikë të mëposhëm. Këto pajisje elektronike nuk kanë mundur të ekzaminohen nga Drejtoria e Plocisë Shkencore Tiranë për shkak të faktit që kanë qënë të koduara nga përdoruesit e tyre me fjalëkalime të përsonalizuara.
Në këto me qëllim evidentimin dhe ekstratimin e të dhënave në to është proceduar me kërkimin e ndihmës juridike në fushën penale, nëpërmjet autoriteteve gjyqësore të huaja dhe konkretisht është dërguar letërporosi në Izrael.
Si ndodhi përplasja?
“Në momentin që personi nën hetim, Ervis Martinaj i shoqëruar nga Eljon Hato dhe një person i paidentifikuar hyn në ambientet e dyqanit “Monopol” dhe deri në momentin që në të njëjtin ambient futet edhe viktima Fabian Gaxha dhe personi tjetër i paidentifikuar kalon një periudhë kohore 70 sekonda. Rezulton që konflikti brenda ambienteve të dyqanit ndodhi shumjë shpejt pas këtij momenti dhe se e gjithë ngjarja, duke përfshirë konfliktin fizik dhe më pas atë me armë, ndodh brenda një harku kohor 60 sekondash, duke marrë në konsideratë faktin e daljes nga ambientet e lokalit të personave të përfshirë në ngjarje.
Rezulton nga ekspertimi teknik-elektronik i aparatit telefonik të personit nën hetim Ervis Martinaj se në orën 21:17 ka marrë një komunikim elektronik në aplikacionin “Whatsapp” nga kontakti i regjistruar me emrin “Boli” me tekst “Te dyqani me veshje të shtrenjta përballë ‘Billionerit’”, rezulton që shkuarja e Ervis Martinajt nuk ka qënë rastësore si ai ka deklaruar, por ka rakorduar për takimin me të hetuarin tjetër Ervin Mata.
Dinamika e ngjarjes
Me datë 04.10.2018, ora 18:54 shtetasit Ervin Mata, Geldo Hoti, Fabio Allushi, Mevjol Billo kanë hyrë në ambientet e lokalit “Monopol”. Në këto momente ka hyrë edhe një shtetase e identifikuar me inicialet E.L, e cila ka deklaruar se qënë me qëllim të shikonte disa artikuj që pronari Redi Popesku tregtonte dhe largohet rreth orës 21:07. Rreth orës 20 :37 nga dyqani ka dalë shtetasi Ervin Mata, i cili është duke folur në telefon dhe sipas deklaratës së Redi Popeskut ai doli të takonte të fejuarën e tij, shtetasen Elvana Gjata për të shkëmbyer një çelës shtëpie.
Ajo e kishte parkuar automjetin e saj në rresht për dy. Në momentin që Ervini ka qënë duke bashkëbiseduar me të fejuarën në rresht të tretë ka kaluar një automjet dhe personi/personat që kanë qënë brenda tij kanë ngacmuar të fejuarën e Ervinit.
Ky automjet ka vazhduar qarkullimin drejt KFC dhe për një moment ndalon dhe kryen manovrën e ecjes mbrapa dhe pasi qëndron aty afrohet shtetasi Ervin Mata,pamje të cilat janë regjistruar nga DRV e subjektit KFC.
Rreth 10 sekonda më pas tek vendi ku automjeti kishte ndaluar dhe bisedonte me Ervin Matën, afrohet edhe Mevjol Billo dhe bisedojnë me personin/personat që ndodhen në automjet.
Aty vërehet se Mata shtyn me dorë Billon me qëllim për ta larguar. Sipas deklarimit të Redi Popeskut ku shprehet se ka dëgjuar nga Ervini se personi që drejtonte automjetin ishtë ish-shoku i ngushtë i tij dhe kjo duket edhe nga pamjet filmike ku Mata tenton të largojë Mevjolin që të sqarohet vetë me të, megjithëse Billo nuk largohet.
Pasi shkëmbejnë disa fjalë rreth 1 minutë më pas, Ervini me Mevjolin largohen drejt dyqanit “Monopol” ndersa automjeti vazhdon në drejtim të “Sky Tower”. Automjeti në dukje është i markës “Mercedez-Benz” tipi “G-Class” ngjyrë e zezë, me disqe të zeza, por pa targa të identifikueshme.
Nga pamjet filmike del se Ervin Mata nuk futet në dyqanin “Monopol”, por vetëm Mevjoli, i cili pasi futet del përsëri dh enë pjesën e derës së daljes, në dukje ka një armë zjarri pistoletë, të cilën e fut në brez nga krahu i djathtë me dorën e majtë.
Gjithashtu në rend kronologjik pas tij dalin Geldo Hoti, Fabio dhe një përson i paidentifikuar dhe një person i identifikuar si A.B. Nga pamjet filmike të KFC duket se Ervini kalon para këtij subjekti dhe pas tij vijnë me radhë gjithë të sipërmendurit, të gjithë duke ecur në trotuar në drejtim të “Sky Tower” dhe pas një vonese 1 minutë në pamje shfaqet Ervini dhe pas tij janë Mevjoli, Redi, Fabio, Geldo dhe A.B. Të gjithë verëhen teksa hyjnë në ambientet e dyqanit “Monopol” dhe 14 minuta më vonë në dyqan hyn edhe shtetasi Ajaks Boshnjaku.
