Me keqardhje ju njoftojmë se e ëmbla Selena Gomez nuk është më personi më i ndjekur në “Instagram”. Është pikërisht futbollisti i “Juventus” Cristiano Ronaldo, ai që ka rrëzuar nga froni këngëtaren e hitit “Same Old Love”.
Ronaldo ka qënë për një kohë të gjatë pas Gomez dhe arriti të kapërcente në vend të parë këtë mëngjes me një diferencë shumë të vogël ndjekësish. Pra, Selena ka 144,308,767 ndjekës, ndërsa ai ka 144,309,204. Ndaj nuk është përfundimtare, kjo mund të ndryshojë nga momenti në moment.
Selena Gomez nuk ka publikuar në “Instagram” që në datën 23 shtator, pasi ndodhet në psikiatri. Sakaq, postimi i fundit i futbollistit të “Juventus” është mëngjesin e sotëm.
Gjithsesi, Selena nuk do t’ia dijë për numrat pasi rrjetet sociale janë mendimi i saj i fundit.
“Unë nuk jam në internet, kam qënë larg prej disa muajsh. Madje as nuk e di passwordin tim të ‘Instagram-it’. Numrat nuk kanë rëndësi. Asgjë nga këto nuk ka rëndësi. Mua s’më intereson aspak sesa ndjekës kam. Madje nuk e shoh normale që njerëzit fiksohen pas kësaj.” – është shprehur më herët Selena Gomez.
Ariana Grande është personi i tretë më i ndjekur në “Instagram” me 132 milionë ndjekës, ndërsa Kim renditet e katërta me 119 milionë ndjekës.
