Mediat kosovare kanë bërë të ditur se reperi i njohur Majk është aksidentuar. Reperi i hitit “Fund” është përfshirë në një aksident në një nga lagjet e Prishtinës, teksa udhëtonte me makinën e tij, tipit “Porche”. Për “lajmi.net” Majk ka konfirmuar se ndodhet në gjendje të mirë shëndetësore, ndërsa raportohet se ka persona të tjerë të plagosur.
“Mirë jam unë. Ishte një aksident i vogël, pa lëndime”,- është shprehur reperi.
Së fundmi, reperi ka njoftuar se po punon për këngën e tij më të re, duke paralajmëruar se do të jetë një super hit. Kënga e tij e fundit është bashkëpunimi me Ylli Limanin, me titull “Krejt ti fala”, që numëron rreth 11 milionë klikime në “Youtube”.
