Shumë shpejt në rrugët e kryeqytetit do të qarkullojnë autobusët elektrikë. Në fillim të vitit të ardhshëm në Tiranë do të vijnë flota e parë e autobusëve elektrikë, që do të ofrojë transport urban pa ndotje.
Erion Veliaj, kryebashkiaku i Tiranës bëri me dije lajmin sot, gjatë prezantimit të “Guidës Studentore” për studentët e rinj.
“Vitin tjetër do të fillojmë me autobusët elektrikë. Është një mënyrë shumë komode për të përdorur transportin publik, sidomos tani që po bëjmë linjat e dedikuara jo vetëm për biçikletat, por duke filluar në unazë edhe për autobusët. Nëse doni të lëvizni në Tiranë është më mirë të përdorni një biçikletë” – u shpreh Veliaj.
