Pak ditë më parë, një foto e publikuar nga fotografi Flamur Llazi zbuloi se moderatorja Luana Vjollca kishte hequr dorë nga flokët biondë dhe kishte bërë një ndryshim rrënjësor. Moderatorja shfaqej në foto duke buzëqeshur e veshur me një fustan të zi, ndërkohë që flokët i kishte të së njëjtës ngjyrë. Mirëpo gjithsesi, nuk u bindëm plotësisht për guximin e Luanës dhe ngritëm dyshimet se mund të ishte një foto e vjetër.
Por mbrëmjen e sotme, Luana ka arritur të tërheqë vëmendjen e të gjithëve, teksa konfirmon se është bërë brune. Ajo ka publikuar prapaskenat e puntatës së ardhshme të emisionit “Shiko Kush Luan”, ku lajmëron se e shtuna do t’i dedikohet festës së Halloween-it.
Komentet e fansave për ndryshimin e Luana Vjollcës kanë qënë tejet positive. Le të shohim nëse ajo do të qëndrojë për një kohë të gjatë brune, apo është vetëm një eksperiment i momentit.
