Pa telefon dhe pa internet! Ky ishte rregulli i vetëm që Dua Lipa dhe i dashuri i saj, Isaac Carew vendosën gjatë arratisjes së tyre romantike në Indi. Çifti i ri vendosi të përdorë kameran për të fotografuar momente nga udhëtimi, në mënyrë që të qëndronin sa më shumë të ishte e mundur larg botës së rrjeteve sociale.
Mbrëmjen e sotme, Dua ka vendosur të ndajë momente nga udhëtimi, ku shfaqet e veshur edhe me sarin, veshjen karakteristike të femrave indiane.
“Kalova 2 javë në Indi me dashurinë time. Ishim në Rathambore, Jaipur, Jodhpur, Kerala dhe Goa duke provuar kulturën magjike, ushqimin dhe traditat e këtij vendi. Një udhëtim që kam dashur ta bëj për një kohë të gjatë dhe jam shumë e lumtur që e realizuam. Kam bërë pafund foto me kamera që të qëndroja larg telefonit dhe ta shijoja maksimalisht.” – shkruan krahas fotos Dua Lipa.
Ndërkohë që i dashuri i këngëtares shqiptare nuk nguroi të merrte me të mira partneren e tij, me një dedikim shumë të ëmbël.
“Një gjë ishte më e bukur se Indiaa.. TI” – komenton Isaac, duke e shoqëruar me emoji-n e një trëndafili.
