Ndërkohë që temperaturat janë të larta në Fixhi, të gjithë e kemi vënë re që shtatzëna Meghan ka zgjedhur veshje me mëngë të gjata. Kjo zgjedhje e saj nuk është rastësore, por për të mbrojtur veten kundër virusit Zika.
Dukesha e Sussex, e cila pret fëmijën e saj të parë në pranverë, duket se ka zgjedhur veshje që mbulojnë trupin e saj për të parandaluar pickimet nga mushkonjat.
Ajo gjithashtu ka zgjedhur veshje me ngjyra më të hapura në Fixhi, në krahasim me ato në Australi, që sipas ekspertëve ndihmojnë, pasi mushkonjat tërhiqen nga ngjyrat e errëta.
Meghan vendosi që të vizitojë Fixhin dhe Tongën gjatë turneut mbretëror, pavarësisht se gratë shtatzëna këshillohen të mos udhëtojnë në këto vende për shkak të rrezikut për t’u prekur nga sëmundja, që mund të rrezikojë foshnjat e palindura.
“Kensington Palace” tha se çifti ka kërkuar këshilla mjekësore dhe vendosën që të vazhdonin me planet e tyre.
Burimi: Daily Mail
