Aktorja turke Hazar Erguçlu e shprehu hapur dëshirën për t’u martuar me partnerin e saj 19 vite më të madh se vetja pak ditë më parë. Aktorja e serialit “Shoqëri e Lartë” tregoi se mezi pret të martohet me regjisorin Onur Unlu, pasi ka shumë dëshirë të bëhet nënë.
Mirëpo këto deklarata nuk u pritën mirë nga fansat e saj, të cilët shpërthyen në ofeza ndaj aktores se po martohet me një person që është në moshën e të atit.
Duket se aktorja Hazar Erguçlu nuk ka duruar më ndaj kritikëve dhe me anë të një statusi në profilin e saj në “Instagram”, u ka kërkuar të respektojnë privatësinë e saj.
“Unë e di çfarë bëj. Familja ime e di çfarë bëj. Ne të gjithë e dimë çfarë bëni. Po ju e dini çfarë po bëni?” – shkruan aktorja.
