Kryeministri Edi Rama është i ftuar mbrëmjen e sotme në emisionin “Zonë e Lirë”, ku po sqaron ligjin e mbylljes së të gjithë pikave të basteve.
I zoti i shtëpisë, Arian Çani nuk e ka pritur duarbosh kryeministrin, teksa gjatë intervistës i ka dhuruar dy zara bixhozi. Çani sqaroi se ngjyra e tyre vjollcë nuk është e rastësishme, pasi kanë ngjyrën e Rilindjes.
“Janë dy zara bixhozi me ngjyrën e Rilindjes meqë nuk janë mbyllur akoma dhe kemi kohë deri në 1 janar. Ti mund të luash me to deri në janar, ke kohë.” – u shpreh moderatori Arian Çani.
Kryeministri Edi Rama ka paralajmëruar se me datë 31 dhjetor, do të mbyllen të gjitha pikat e basteve në vend.
