Instituti Europian Pashko ka publikuar listën e 10 personave më të pasur në Shqipëri, bazuar në fitimin e vitit 2017. Në listën e bërë publike, vihen re ndryshime në renditje, po ashtu janë shtuar edhe emra të rinj biznesmenësh.
Samir Mane është vlerësuar si njeriu më i pasur në Shqipëri. CEO i “Balfin Group” ndiqet nga biznesmeni Shefqet Kastrati në vendin e dytë, ndërsa në vend të tretë Grigor Joti.
Në vendin e katërt ndodhet biznesmeni Rrok Gjoka, Agron Shapllo në vendin e pestë. Ndërsa në vend të 6 është vlerësuar Renis Tërshana. Pas tij, Agim Zeqo. Lista vijon me deputetin Tom Doshi në vend të 8, ndërsa biznesmeni Serafin Orgocka në të 9-tin. Lefter Kallo është i 10 në listë.
“Parë nga këndvështrimi i peshës specifike renditëse të këtij nëngrupi, kemi që sipas këtij kriteri fitimi, 4 të parët përfaqësojnë më shumë se gjysmën e fitimit nga të gjithë së bashku. Studimi për 10 më të pasurit është një studim që Instituti Europian Pashko, e bën duke ndjekur edhe traditën e studimeve ndërkombëtare, duke u bazuar vetëm te deklarimet e licencave në QKB dhe strukturave aksionmbajtëse u zgjerua në analizën e 100 bizneseve më të mëdha me aksionmbajtës shqiptarë”, thotë Arjon Sulo.
-
Samir Mane
-
Shefqet Kastrati
-
Grigor Joti
-
Rrok Gjoka
-
Agron Shapllo
-
Renis Tërshana
-
Agim Zeqo
-
Tom Doshi
-
Serafin Orgocka
-
Lefter Kallo
Burimi: Top Channel
