Në studion e “Opinion”, gazetari Mustafa Nano dhe deputeti i PD-së, Ervin Salianji, shpërthyen me tone të ashpëra deri në fyerje ndaj njëri-tjetrit ditën e martë. Idiot, palaço, dhi e zgjebosur e bishtin përpjetë, ishin disa nga ofezat e gazetarit ndaj deputetit të PD-së, në lidhje me çështjen e audiopërgjimit “Babale – Xhafaj”.
Mesa duket, gazetari ka reflektuar në lidhje me sjelljen e tij dhe mbrëmjen e sotme i kërkoi ndjesë opinionit publik. Nano sqaroi se kjo nuk është një sjellje e hijshme dhe premtoi se nuk do të ndodhë më.
“Sjelljen time nuk e justifikon asgjë, as personi që mund të kem përballë që mund të ma heqi petllën. U kërkoj ndjesë të gjithëve, shpresoj të mos përsëritet. Meraku im është nëse këto shumëfishohen si sjellje, terrorizojmë një popullsi të tërë”, u shpreh gazetari Mustafa Nano.
