Nga data 3 tetor janë hapur aplikimet për Lotarinë Amerikane, të cilat do të vijojnë deri më 6 nëntor.
Ambasada amerikane në Tiranë çdo ditë publikon këshilla për mënyrën, sesi duhet të plotësohet formulari i aplikimit online.
Ditën e sotme në “Facebook”-un e saj u publikua një video, në të cilën thekson 5 gjërat që duhet të kesh parasysh nëse ende nuk e ke hedhur lotarinë.
“Lexoni rregullat, aplikoni vetëm një herë, sigurohuni që foto është e saktë, kontrolloni mirë të dhënat dhe aplikimi është falas”, janë 5 këshillat e Ambasadës, që shtjellohen në video.
“Po mendoni të aplikoni për Lotarinë Amerikane 2020? Mos harroni këto 5 këshilla të thjeshta kur të aplikoni”, shkruhet në mbishkrimin e videos.
