Epo, kaq ishte! Beyonce dhe Jay Z nuk duan të kenë më të bëjnë me Kanye West dhe Kim Kardashian. Dy çiftet e showbiz-it i kanë hyrë thellë politikës dhe duket se kjo ka sjellë përçarjen mes tyre.
Ditën e nesërme, Kanye West do të vizitojë Shtëpinë e Bardhë, ku do të diskutojë me presidentin Donald Trump, në lidhje me dhunën e shtuar në qytetin e tij të lindjes, gjithashtu do të diskutojnë edhe për reformën në burgje.
Mesa duket kjo ka irrituar jashtë mase “The Carters”, të cilët duan tanimë të ndërpresin lidhjen me ta. Kujtojmë se Beyonce dhe Jay Z, ishin përkrahësit kryesorë të ish-presidentit Barack Obama.
Mirëpo, krahas gjithë kësaj drame, Kim Kardashian është shumë në siklet për ditën e nesërme, pasi ka frikë sesi i shoqi do të komunikojë me presidentin.
“Po mundohem ta këshilloj shumë dhe ta ndihmoj në mënyrën sesi ai komunikon” – tha Kim, gjatë një eventi ku mori pjesë.
