Dy fëmijët adoleshentë të Suela Sulës kanë dhënë dëshmitë e tyre në Gjykatën e Krimeve të Rënda, për vrasjen e së ëmës nga babai Sadedin Sula në bashkëpunim me Fatjon Karmneshten në mobilierinë e tyre në prill të 2016-ës. Fëmijët kanë treguar me detaje dhunën fizike dhe psikologjike që babi i tyre ka ushtruar ndaj tyre dhe nënës ndër vite.
“Një natë në shtëpinë tonë erdhën Fatjoni, daja i tij dhe dy persona të cilët ishin hoxhallarë. Nënën dhe neve na mbyllën në tualet dhe këta persona lagën me ujë të gjithë shtëpinë në mënyrë që të largoheshin xhindët. Në fund ata lagën edhe nënën.” – tha djaloshi.
Djali 16-vjeçar rikthehet në kujtime dhe tha se mban mend se i ati kishte tentuar të mbyste me jastëk të ëmën.
“Një natë ata po grindeshin në dhomë. Hapa derën dhe pashë babain që i kishte zënë frymën nënës me jastëk. Në atë moment ai u tërhoq dhe pashë nënën e cila ishte ne gjendje shumë të rëndë”.
Për vrasjen e Suela Sulës gjykata ka dënuar bashkëshortin e saj me burgim të përjetshëm, vendim i cili është ankimuar nga ai. Ndërsa vazhdon gjyqi për Fatjon Kermneshten, i cili është bashkëpunëtor në këtë krim.
