Këngëtarja Çiljeta Xhilaga është e lumtur dhe e dashuruar me partnerin e saj, portierin e Kombëtares shqiptare Alban Hoxha.
Edhe pse në fillimet e lidhjes së tyre, dyshja u përpoq ta mbante të fshehtë marrëdhënien, tanimë ata nuk stepen të publikojnë imazhe së bashku në rrjetet sociale.
Por një foto e fundit e çiftit na ka bërë të mendojmë se këngëtarja mund ta ketë marrë një propozim për martesë nga Albani.
Përmes një postimi në rrjetet sociale Çiljeta tregon dorën e portierit të Partizanit, Alban Hoxhës me tatuazhin karakteristik.
Ndërkohë në sy bie unaza në gishtin e saj, që tregon se tashmë gjërat janë bërë shumë serioze mes çiftit që duket më i dashuruar se kurrë.
Por këngëtarja ka folur më herët për unazën dhe ka thënë se ajo mban poshtë emrin e djalit të saj Fernando dhe gjërat nuk janë siç duken.
Çiljeta ka folur gjithashtu edhe për ëndrrat e saj për një dasmë “buzë detit, diku larg ku të jem vetëm unë, ai dhe njerëzit tanë të dashur”.
Të ketë ndodhur gjë mes tyre dhe ne tani po e mësojmë?
