Quhet parajsa në tokë dhe të gjithë e dimë arsyen! Ishulli ku do të dëshironim të shkonim të gjithë të paktën një herë në jetë, Maldivet, është ëndrra e çdokujt.
Plazhi përrallor, uji i kristaltë dhe investimet nga dora e njeriut i bëjnë Maldivet një nga vendet më fantastike dhe luksoze.
Ndërsa të gjithë i njohim nga fotot se për cilën vend flitet, nuk e patëm aspak të vështirë të gjenim se Alban Skënderaj dhe Miriam Cani ndodheshin për disa ditë pushime atje.
Prej së mërkurës, çifti publikoi foto dhe video nga pushimet, derisa “qershia mbi tortë” është vila ku po qëndrojnë. Video e publikuar nga Miriami, e cila na la gojëhapur, tregon se vila është ndërtuar mbi ujë, ka një xhakuzi dhe shezlonge në ballkon, ndërsa brenda saj një dysheme prej xhami të mundëson pamjen për në ujë.
Pas kërkimeve, “iconstyle.al” arriti të zbulonte çmimin që çifti paguan për një natë qëndrimi në këtë shtëpizë.
Nga 599 dollarë çmimi për një natë qëndrimi në vilë është ulur në 329 dollarë dhe për 7 netë shkon në 2.900 dollarë, përfshirë taksat.
Të përfshira në këtë çmim janë vetëm fjetja dhe mëngjesi, ndërsa për vaktet e tjera konsumi është me pagesë. Nëse paguhet që gjithçka të jetë e përfshirë, çmimi shkon në 594 dollarë për natë.
Në përshkrimin e vilave të ujit, që gjendjen në resortin “The Sun Siyam Iru Fushi”, thuhet se do ta dashuroni vendin sepse keni privatësinë që kërkoni, kushtet perfekte dhe pamjen nga perëndimi i diellit.
Gjithashtu resorti ofron sporte të ndryshme uji apo përdorimin e SPA-ve, për të cilat duhet të paguhet shtesë.
Shikoni fotot e dhomës:
